Tag Archives: मराठी रेसिपी

पूर्णाहार कोशिंबीर

koshimbir

सौ. माधुरी आनंद देव यांनी तयार केलेली पूर्णाहार कोशिंबीर

साहित्य : 1 जुडी कांद्यांची हिरवी पात, भिजवलेली उडदाची आणि मुगाची डाळ प्रत्येकी 2 चमचे, हिरव्या किंवा लाल सुक्या मिरच्यांचे तुकडे, ओले खोबरे, दाण्याचे कूट, मीठ-साखर, घट्ट दही किंवा अर्ध्या लिंबाचा रस, तेल फोडणीसाठी मोहरी-हिंग आणि हळद, पाव वाटी किसलेले गाजर.

कृती : कांद्याची पात धुवून, बारीक चिरून त्यात दही आणि लिंबू रस न घालता, बाकीचे साहित्य सुरूवातीला घालावे आणि नीट एकत्रित करावे, त्यावर दही किंवा लिंबाचा रस घालून तेलाची फोडणी टाकावी. मिरच्या फोडणीतच टाकाव्यात. पुन्हा एकदा सर्व नीट कालवून घ्यावे.

Madhuri Anand Devसौ. माधुरी आनंद देव
434 शनिवार पेठ
पुणे 411 030

तुम्हीही आपली रेसिपी पाठवू शकता, आपला तसेच रेसिपचा फोटो,कृती आणि साहित्य मेल करा… mycitymyfood@gmail.com वर

धन्यवाद

पिकलेल्या हापूस आंब्याचे रायते

Alphansoसाहित्य : तीन आंबे, तिखट – १ चमचा, भाजून मेथीकूट -१ चमचा, धणे पूड कच्ची – १ चमचा, मिरीपूड लहान – एक चमचा, गूळ लहान वाटी (चिरलेला), मीठ चवीपुरते, नारळाचे दूध

फोडणीचे साहित्य : मोहरी, मेथी, दाणे, तेल

कृती : प्रथम बाठीसकट आंबे कोळून घ्यावे, त्याला धणे पूड, मेथीपूड, तिखट हे सर्व बाठीसकट कोळाला लावावे. एका भांड्यात नारळाचे दूध काढून घ्यावे. त्यात लहान चमचा मिरीपूड घालावी.

सौ.अपर्णा पु,बापट, गिरगाव

सौ.अपर्णा पु,बापट, गिरगाव

नंतर पातेल्यात थोडे तेल घालून भांडे गॅसवर ठेवावे. तेल तापले की, मोहरी मेथी दाणे घालून खमंग फोडणी करावी. त्यात बाठीसकट तयार केलेला कोळ घालावा.

थोडे परतून त्यात मिरी घातलेले दूध (नारळाचे) घालावे. नंतर ढवळून थोडा गूळ घालावा. मीठ घालावे व लगेच खाली उतरवावे. रुचकर रायते खाण्यासाठी तयार.